preskoči na sadržaj

Login
Korisnik:
Lozinka:
Brojač posjeta
Ispis statistike od 15. 4. 2014.

Ukupno: 417503
Ovaj mjesec: 3206
Ovaj tjedan: 523
Danas: 48
Korisne poveznice

      

   

  

 

Vijesti

Tičeki se ženiju v Petruševcu

14. veljače je pri nas v škuole bil nekak posebni dan. Mam vjutre sme se čudili kak pu takve hude zime v naše živice vidime tiče kak vesele skačeju.I naše vučiteljice su za ran bile dobre vuolje. Neke su se stiha spominale s tetu i glasne se smejale. Mi se nekak nisme dali z hodnika v razred jer sme znali da nas čeka matematika. Još nisme ni praf počeli z matematiku kad je najemput na vrata duletel črleni Štefek, hitil nekakvu zgoužvanu cedulju na Baričinu kloup i vušel, bržieše nek je došel. Ne zname zake i Barica se začrljenela. Si sme počrljeneli od smieha i još bi se sad smejali da nije v razred došla jena naša vučiteljica. Bile nas je strah da bu nas špuotala, a ona nam je stiha i tak dobre spripuviedala jenu liepu starinsku priču...


Oči sme vuprl vu nju i pred suobu vidli dečeca Valeka šteri je jake imel rad jenu pucicu. Tak rad da je tou ljubaf zapisal na jenu cedulju i štel ju je dati pucice. Da joj je nesel cedulju s tak puone ljubavi, puhnul je zimski mrzli veter i odnesel cedulju v grmlje de su bili stišnjeni tičeki. Tičeki su ju otprli i najemput su se si zaljubili i počeli ženiti, ženiti.
 Koj je dalje bile nisme stigli čujti jer je k nam v razred nepuzvna doletiela naša Druga vučiteljica i zakričala da se vani pred škuolu neke čudne dugađa. Čula je nekakev krič i pesmu, a nikuga nije vidla. Naš spametni Štefek je se puvezal i zakričal da se unda vune sigurne ženiju ti tiči jer je denes Valentinuve. Mam se sme si bili vune. I bil je vune krič, pesma i perje v zraku na se strani! Ravne, pred škuolu,  v živici. Si sme se zaleteli v živicu. Ivek je zakričal da v živici ima kulačuf i bumbunuf. Šteri su bili fletneši, pobrali su više, drugi menje. Sikak je bile dost ti ostanjkof za se nas. Da sme se prestali naguravati pu živice, vidli sme da tičuf više nema, a na naši ličeki i rouka sme našli zebice. Ne trebate veruvati , ali tu su stvarne bile gosti i tičeki su se ženili… Same se pitame kak su znali kulike nas bu došle pu ostanjke?
Fala tičeki, zapupivame vam jenu pesmu:

JEN JE TIČEK SVADBU DELAL
I VESELO JE PUPIEVAL
TRAJLALATI, TRAJLALA TI,
TRAJLALILALAOJLALLA…

Literarna skupina učenika PŠ Petruševec

 


 



Pošalji prijatelju Pošalji prijatelju
objavio: Irena Buđa   datum: 19. 2. 2018.

Tražilica



Misao tjedna
 
"Svaki trenutak je novi početak."

T. S. Eliot


Školski prijevoz

 


Školska kuhinja

 

Priloženi dokumenti:
Jelovnik za ozujak 2024.pdf


Anketa
Je li vam bolja nastava na daljinu ili klasična nastava u učionici?




Korisni linkovi

180 godina naše škole

   


Kalendar
« Ožujak 2024 »
Po Ut Sr Če Pe Su Ne
26 27 28 29 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
1 2 3 4 5 6 7
Prikazani događaji


Robotika

 





preskoči na navigaciju